Сёньня сьвяткуем успамін Айцоў першага Усяленскага сабору. Гэта быў першы сабор на якім была ўрачыста падцьверджана вера Царквы ў дзьве прыроды Хрыста Божую і чалавечую. Была прынятая таксама першая частка сімвала веры ў якой выкладаюцца ісьціны пра Бога-Айца і Бога-Сына гаварылася пра багаслоўскія ісьціны пра Айца і Сына Божага.

Мучаніца Пелагея Тарсійская была замучана за панаваньня імператара рымскага Дыяклецыяна (284-305). Уведащшы пра хрысьціянскаую веру захацела спазанаць яе глыбей, і аднойчы пабачыла ў сьне як яе хрысьціць біскуп горада Тарса. Адпрасіўшыся з дому, пайшла да біскупа які яе ахрысьціў. Была прыгожай дзяўчынай і імператар Дыяклецыян захацеў яе выдаць замуж за свайго прыёмнага сына. Узнаўшы, што яна хрысьціянка загадаў ёй вырачыся Хрыста. Але яна адмовілася пасьля чаго мужна прыйняла сьмерць (як падае традыцыя) у распаленым медзяным вале.

Цягам тыдня сьпяваем на шосты тон. На ютрані евангельскае чытаньне: Ян 21. 1-14

Чытаньні на літургіі: Дз 20.16-18, 28-36; Ян 17. 1-13

5 траўня

Успамін сьвятой і слаўнай мучаніцы Ірыны. Яна была ахрышчана св. Цімафеем, вучнем сьвятога Паўла. Была руплівай апосталкай. Традыцыя пердае, што праз яе да Хрыста далучыліся дзевяць тысячаў паганаў. Скончыла жыцьцё сьведчачы актам мучаніцтва Хрыста на пераломе І і ІІ стагодзьдзяў.

Чытаньні на літургіі: Дз 21.8-14; Ян 14. 27-15.7

6 траўня

Успамін сьвятога і праведнага Ёва Шматпакутнага. Гісторыю пра праведнага Ёва падрабязна можам прачытаць і кнізе Ёва Старога запавету. Будучы праведным Ёў вытрымаў усе цяжкія выпрабаваньні, якія былі спасланыя на яго і застаўся верным Богу.

Чытаньні на літургіі Дз 21.26-32; Ян 16. 2-13

7 траўня

Сёньня сьвяткуем літупгічнае згадваньне Багародзіцы, якая праславілася ў вобразе Жыровіцкай Яе іконы; Вядомае паданьне расказвае як быў знойдзены гэты вобраз на грушавым дрэве малымі пастушкамі. Мяркуюць што гэта падзея адбылася недзе ў 1470 годзе. Здавён-даўна праславіўся цудамі і ласкамі, якія сплываюць праз яго на беларускі люд. У 1560 годзе драўляная царква ў якой месьціўся абраз згарэла, але абраз цудоўным чынам захаваўся ў зноў быў яўлены (зараз на тым месцы стаіць царква пабудаваная пазьней манахамі-базыліянамі). У 1587 годзе ў Жыровічах засноўваецца манашая абіцель. У 1613 (паводле іншых дадзеных у 1609) годзе манастыр прымае Унію. Першым уніяцкім ігуменам, зь якога пачалося адраджэньне манастыра быў сьв. Язафат Кунцэвіч. Абраз Жыровіцкі быў каранаваны папскім каронамі Кіеўскім уніяцкім мітрапалітам Атаназіям Шаптыцкім 19 верасьня 1730 года. У той самы час яна была ўрачыста абвешчана Каралевай беларускага народу. Жыровіцкая Багародзіца – асаблівая апякунка Беларускай Грэка-каталіцкай Царквы.

Сёньня таксама згадваем успамін зьяўленьня на небе знаку сьвятога крыжа ў Ерусаліме за валадаром Канстанцам. Гэтыя падзеі адбыліся ў 351 годзе ў аўторак перад Ушэсьцем. А трэцяй гадзіне на небе зьявіўся знак Пачэснага і Жыцьцядайнага Крыха Госпадава. Промні, якія ішлі ад яго зьзялі так, што не стала відаць сонца. Гэтая цудоўная праява спрычынілася да магутнага навяртаньня ерусалімскіх хрысьціян да Бога.

Чытаньні на літургіі: Чарг.: Дз 23.1-11; Ян 16. 15-23

Багар.: Флп 2.5-11; Лк 10. 38-42,11.27-28

8 траўня

Успамін Слаўнага усяхвальнага апостала і евангеліста Яна Багаслова; Сьвяты Ян, сын Зэведэя быў рыбаком і разам з Пятром, Андрэем і Якубам (сваім братам) былі першымі, каго паклікаў Ісус. Ян і Андрэй былі таксама вучнямі сьв. Яна Хрысьціцеля і чулі як ён ўказаў ім на Месію словамі “Вось Ягнё Божае”. Сьв. Ян быў адным з трох вучняў сьведкаў Перамяненьня. Разам з Пятром яны першымі адклікнуліся на паведамленьне ад Марыі Магдалены пра уваскрасеньне Хрыста. Быў таксма ўлюбленым вучням Хрыста. Меў схільнасьць да глыбокіх тэалягічных рэфлексій за што быў названы Царквою Багасловам. Адрозна ад іншых апосталаў памёр сваёй сьмерцю. Напісаў Евангельле, тры саборных пасланьня эсхаталягічнае Адкрыцьце. Згадка мае сьвяточны знак “сьвята з усяночным” таму Вялікая вячэрня звычайна лучыцца з Ютраньню і адпраўляеццпа ўвечары, які папярэднічае сьвяту.

Сёньня таксама адзначаецца сьвята Сьвятых роўнаапостальных Кірыла і Мятода, настаўнікаў славянскіх. Гэтыя падзьвіжнікі прысьвяцілі жыцьцё распаўсюджваньню хрысьціянства сярод славянаў. Гл. 14 лютага

Чытаньні на літургіі: Чарг.: Дз 25.13-19; Ян 16. 23-33

Ап.: 1 Ян 1.1-7; Ян 19.25-27, 21.24-25

9 траўня

Сёньня аддаецца сьвята Узнясеньня Гасподняга.

Сьвяткуецца таксама перанясеньне пачэсных мошчаў сьв. Мікалая ў Бары. Вядома, што сьв. Мікалай быў апякуном мараплаўцаў. З моманту заваёвы туркамі-сельджукамі Малой Азіі мараплаўства ў гэтым рэгіёне сталася прывмлеем толькі італійскіх купцоў. Манахі, якія сьцераглі мошчы, вырашылі перадаць мошчы малаплаўцам Італіі, якім адмысловая дапамога сьвятога надта магда прыдацца. Перанясеньне мошчаў ў італійскі Бары адбылося ў 1087 годзе. Папа Урбан ІІ (1042-1099) устанавіў сьвята перанясеньня мошчаў. Гэтае сьвята пашырылася таксама на цэлай Русі ў пару кіраваньня мітрапаліта кіеўскага Ефрэма (у Візантыі яно не было прынятае), што сьведчыць пра кантакты з заходнім сьветам рускай царквы і пра пэўную еднасьць гэтай царквы, яшчэ пасьля фапрмальнага разрыву адносінаў, з каталіцкай царквой.

Сёньня згадваем вялікага прарока Ісаю, сына Амоса. Спаўняў прарочае служэньне ад апошняга года цараваньня Осіі ў 737 да Н. Х. да цара Азаха і Езэкіі. Немагчыма вызначыць дату ягонай сьмерці на пачатку VII стагодзьдзя да Н. Х.

Мучанік Хрыстафор быў народжаны на пачатку ІІІ стагодзьдзя ў Малой Азіі. Памёр ў Самон (Лікія) каля 150 года падчас перасьледу хрысьціян ў пару цараваньня імператара Дэкія. (249-251). Апякун падарожных, кіроўцаў, лекараў і садоўнікаў.

Чытаньні на літургіі Дз 27.1-44; Ян 17. 18-26

Сьв.: Габ 7.26-8.2; Ян 10.9-16

10 траўня

Троіцкая бацькоўская (задушная) субота

Сярод некалькіх дзён на год, якія адмыслова прызначаныя для малітвы за адышоўшых ад нас да Бога людзей ёсьць і троіцкая субота. Молімся за памерлых, каб яны асягнуле шчасьця бачыць Бога ў вечнасьці.

Апостал Сымона Зілота належаў да дванаццаці апосталаў. Распаўсюджваў Хрыстовую веру ў Персіі і Егіпце.;

Лагішынская ікона маці Божай, літургічнае шанаваньне якой сёньня адбываецца – апякунка Пінскай рыма-каталіцкай дыяцэзіі.

Чытаньні на літургіі Чарг.: Дз 28.1-31; Ян 21. 15-25

Пам.: 1 Сал 4.13-17; Ян. 5.24-30