Нядзеля Сьлепанароджанага (27 красавіка)

У сёньнешнюю нядзелю мы сьвяткуеі падзею, якая стала магутным сьведчаньнем Божае моцы і боскасьці Ісуса Хрыста. Ацаленьне таго, хто быў ад нараджаньня сьляпы нечуваная і зусім адметная падзея ў гісторыі. Працягваючы сьвяткаваць Пасху Гасподнюю згадваем крыніцу гэтай падзеі – вялікую Божую міласэрднасьць да людзей.

Сёньня дзень сьвятамучаніка Сямёна, другога біскупа Ерусалімскага (пасьля апостала Якуба). Быў сваяком Гасподнім, сынам Клеопы, братам сьв. Язэпа. Быў таксама вучням Ісуса, адным з 70 апосталаў. Быў укрыжаваны рымлянамі таму што быў хрысьціянінам і патомкам цара Давіда.

Увесь тыдзень сьпяваем на тон 5.

На ютрані: Лк 20. 11-18

На Боскай літургіі: Дз 16.16-34; Ян 9. 1-38

28 красавіка

Сьвяткуем згадку сьв. Кірылы, біскупа Тураўскага. У Беларускай грэка-каталіцкай царкве гэтая згадка літургічна адзначаецца поліелейным знакам. Адпаведна, паводле на пераднапярэдадні гэтага дня правіцца Вялікая вячэрня, а на ютрані сьпяваецца поліелей – псальмы ў якіх апяваецца шматміласэрнасьць Госпада. Сьвяты Кірыл быў вялікім падзьвіжнікам Божае справы ў тыя часы, калі яшчэ люд беларускі не быў адназначна хрысьціянскі. Шмат паганскіх звычак і звычаяў заставалася ў народзе. Сьвяты сваімім словамі зрабіў шмат, каб выкараніць іх і данесьці слова Хрыстовае да сэрцаў народных. Асабліва шмат напісана ў ягоных словах пра ўваскрасеньне Госпада. За пераканаўчасьць і сілу сваіх словаў ён быў названы славянскім Залатавусным.

Апосталы Ясон і Сасіпатр былі сваякамі сьв. Паўла. Яны адважна сьведчылі Хрыстовую веру і шмат пацярпелі за Хрыста. Памерлі ў пахілым веку. Пра іх згадваецца ў Рым 16. 21

Мучанікаў Дады, Максіма і Кінціліяна пасьля зазнаных цярпеньняў за Хрыста былі засечаны мечам за часоў цэзара Максіміна.

На Боскай літургіі:Чарг.: Дз 17.1-15; Ян 11. 47-57

Сьв.: Габ 7.26-8.2; Ян 10.9-16

29 красавіка

Сёньня згадваецца памяць 9-ці мучанікаў Кізіцкіх. Места Кізік знаходзілася ў Фрыгіі, дзе хрысьціянства было ўкаранілася яшчэ з часоў апостала Паўла. Але потым сьцішыла сваю актыўнасьць пад націскамі паганства. Дзевяць мужоў з ваколіцаў Кізіка Антыпатр, Тэагнід, Руф, Тэастых, Артэм, Магнус, Тэадот, Таўмазіз і Філемон вырашылі ажываць сваю веру і падняць дух хрысьціянаў у Кізіку і ваколіцы. Яны адважна на працягу пэўнага часу, сабраўшыся ў Кізіку вызнавалі публічна сваю веру і пераконвалі ў непраўдзівасьці паганства. Былі схопленыя і замучаныя за некалькі год да абвяшчэньня талеранцыйнага міланскага эдыкту.

Вялебны Мемнан з маладога веку праводзіў аскетычнае жыцьцё ў пустыні ягіпецкай. Быў абраны ігуменам манасттыра. На гэтай пасадзе мудра кіраваў справамі манастыра. Праславіўся шматлікімі цудамі. Напрыклад на яго малітву ў пустыні каля манастыра пачала бруіць крыніца. Атрымаў мянушку цудатворцы.

На Боскай літургіі:Дз 17.19-28; Ян 12. 19-36

30 красавіка

Сёньня сьвяткуем Адданьне сьвята Пасхі. Апошні раз у гэтым годзе на службах гучаць словы Хрыстос уваскрос, якія суправаджалі царкву падчас доўгага пасхальнага перыяду.

Таксама адзначаем памяць святога апостала Якуба, брата Яна Багаслова, сына Зеведэя і саламеі. Быў пакліканы да ліку апосталаў разам з братам. Разам з Сымонам Пятром належалі да ліку найбольш давераных апосмталаў былі сведкамі уваскраменьня дачкі яіра, Перамяненьня Гасподняга. Быў замучаны на загад Ірада Агрыпы ў 42 годзе. (Дз 12.2).

На Боскай літургіі:Чарг.: Дз 18.22-28; Ян 12. 36-47

Ап.: Дз 12.1-11; Лк 5.42-48

1 траўня

УЗЬНЯСЕНЬНЕ ГОСПАДА НАШАГА ІСУСА ХРЫСТА (Ушэсьце)

Сьвята Ушэсьця на неба Ісуса Хрыста нагадвае нам пра пераход нашага Госпада пасьля пасхальных падзеяў сьмерці і ўваскрасеньня Госпада да Айца. Паводле традыцыі сьвяткуецца на саракавы дзень пасьля Пасхі. Належыць да Дванаццаці галоўных сьвятаў у годзе. Падчас службаў сьвята не сьпяваюцца ішыя песьнясьпевы, акрамя Гасподніх, прысьвечаных падзеі Узнясеньня. Шаты, ужываныя на літргіі – белага колеру.

На ютрані: Мк 16. 9-20

На Боскай літургіі:Дз 1.1-12; Лк 24. 36-53

2 траўня

Перанясеньне мошчаў сьвятога Апанаса Вялікага, біскупа Александрыйскага. Нарадзіўся ў Александрыі. Удзельнічаў у Нікейскім саборы (325 г.), як памочнік тагачаснага александрыйскага біскупа. Праз тры гады сам стаўся біскупам Александрыі, насуперак стараньню ерэтыкоў мелецыян і арыян. На біскупскай сталіцы не меў спакойнага жыцьця на працягу свайго жыцьця пяць разоў быў высыланы, або ратаваўся ад перасьледу і санкцыяў імператараў, намаўляных ерэтыкамі. Аўтар шматлікіх багаслоўскіх прац, якія паглыбляюць вучэньне Царквы пра сьв. Тройцу і Хрыста. Памёр у 273 годзе.

На Боскай літургіі:Дз 19.1-8; Ян 14. 1-11

3 траўня

Сёньня сьвяткуецца перастаўленьне вялебнага Тэадосія Пячэрскага, пачынальніка супольнага манашага жыцьця на землях старажытнай Русі. Пачаў шлях да Бога, практыкуючы від аскезы – юродзтва. Потым далучыўся да манахаў Кіева-Пячэрскай лаўры пад Кіевам і з часам стаўся іхным ігуменам. Падчас ягонага кіраваньня манастыр значна пашырыўся. Прыняў для манастыра статут св. Тодара Студыта. Памёр у 1074 годзе.

Мучанікаў Цімафея і Маўры. Былі мужам і жонкай. Жылі ў Егіпце. .Пацярпелі падчас кіраваньня імператара Дыяклецыяна (284-305). Як чытальнік у царкве Цімафей перахоўваў у сябе сьвятыя кнігі. Адмовіўся падпарадкавацца загаду здаць іх на спаленьне падчас перасьледу хрысьціянаў. Прыведзеная на загад намесьнія Фіваіды ягоная жонка (зь якою яны пабраліся 20 дзён да гэтага), замесіт таго каб намовіць яго саступіць выказала жаданьне памерці разам зь ім сьведчачы Хрыста. Былі ўкрыжаваныя.

На Боскай літургіі:Чарг.: Дз 20.7-12; Ян 14. 10-21

Вялеб.: Габ 13.7-16; Мц 11. 27-30