25 траўня

Нядзеля 2-я

3-я знаходка пачэснай галавы сьв. Яна Хрысьціцеля. Галаву Яна Хрысьціцеля трэці раз знайшлі каля 850 году ў Понце ў местачку Команы, дзе была папярэдне схаваная ад іконаборчага перасьледу. Канстантынопальскі патрыярх Ігнаці даслаў пасьля іконаборчай навалы ў гэтае месца дэлегацыю з верных, якая і найшла сьвятыню схаваную дваццаць гадоў раней. Галаву паклалі ў царкве сьв. Яна ў Студыёне.

Сёньня таксмама сьвяткуецца памяць усіх сьвятых беларускага народу. У гэты дзень згадваем усіх сьвятых Беларусі – найперш сьвяціцеляў -- полацкіх сьвяціцеляў першых стагодздзяў, якія праславіліся сваёй сьвятасьцю, тураўскага Залатавуснага Кірыла, Таксама ўспамінаем шэрагі сьвятых, якія выбралі вузкую дарогу прыпадабненьня да Бога: сьвятую Еўфрасіньню, Асьветніцу Беларусі Аўраамія Смаленскага, Марціна Тураўскага, Елісея Лаўрышаўскага, Параскеву Полацкую і іншых вялебных, Сьведкаў Хрыста – мучанікаў – Мяркурыя Смаленскага, свяціцеля Полацкага і сьведку Хрыстовай Еднасьці Язафата, мучанікаў ХХ стагодзьдзя і ншых, нават не праслаўленых, такіх як мучанікі Полацкія манахі-базыліяне, ці вялебны біскуп пінскі Якім, мошчы якога спачываюць дагэтуль у Жыровіцкай абіцелі.

Сёньня пачынаецца першы тон Актоіха і адначасова Стоўп – кола з васьмі тыдняў на працягу якога ў царкве сьпяваецца па чарзе восемь літургічныя песьнясьпевы на восемь таноў.

На ютрані чытаем: Мк 16.1-8

Чытаньні на літургіі: Чарг.: Рым 2.10-16б; Мц 4. 18-23

Сьв. Яну: 2 Кар 4.6-15: Мц 11.2-15

Сьв.: Габ 11.33-12.2; Мц 4. 25-5.12

26 траўня

Апостала Карпа з 70-ці. Сьв. Карп прыймаў у сваім доме сьв. Паўла, калі той быў у Траадзе (2 Цім 4.13).Традыцыя перадае, што Павел зрабіў Карпа біскупам у Берэі. Паводле таго ж пераданьня Карп быў забіты юдэямі.

Чытаньні на літургіі: Рым 7.1-13; Мц 9. 36-10.8

27 траўня

Сьвятамучанік Тэрапонт, Біскупа Сардыйскі, што ў Лідзіі быў замучана ў часы Дыяклецыяна (284-305). Абвяшчаў Хрыста грэкам-паганам, Адважна празнаваўся, што быў біскупам. Быў увязнены, біты, галадаў, але не выракся Хрыста і памёр сярод катаваньняў.

Чытаньні на літургіі: Рым 7.14-8.2; Мц 10. 9-15

28 траўня

Вялебнага Мікіты, біскупа Халкедонскага. Вызначаўся вялікімі ўчынкамі міласэрднасьці, памагаў бедным, прымаў падарожных, апекаваўся ўдовамі і сіротамі, заступаўся за пакрыўджаных,. Падчас панаваньня імператара Льва Армяніна (813-820) змагаўся супраць гарэзіі, быў выгнаны і памёр у пачатку ІХ стагодзьдзя.

Чытаньні на літургіі: Рым 8.2-13; Мц 10. 12-22

29 траўня

Вялебнай мучаніцы Тэадосіі. Гэтая дзяўчына мела 17 гадоў, калі была памерла мучаніцкай сьмерцю. Аднаго дня яна спаткала хрысьціянаў у кайданах, якія ішлі на сьмерць. У прысутнасьці судзьдзяў яна наблізілася да натоўпу і папрасіла, каб яны маліліся за яе да Госпада. Саддаты, якія сьцераглі арыштаваных схапілі яе і адвялі да прэфектіа Палестыны Урбана, які наказаў ёй прынесьці ахвяру бажкам. Яна адмовілася і мужна прайшла катаваньні, якія пасьледвалі пасьля яе адмовы. Урэшце была укіненая ў мора і так аддала Богу душу ў 307 годзе ў дзень Уваскрасеньня Госпадавага.

Чытаньні на літургіі: Рым 8.22-27; Мц 10. 23-31

30 траўня

Вялебнага Ісака, ігумена Далмацкага. Яшчэ хлопцам пачаў весьці аскетычнае пустэльнае жыцьцё ў гроце каля канстантынопаля. У той час была вельмі моцная гарэзія арыян, якія з дапамогай імператара Валента (364-378) перасьледвалі праўдзівых хрысьціян, забіралі ў ніх сьвятыні. У з78 годзе Канстантынопалю пачалі пагражаць готы, якія. Імператар выправіўся на вайну зь імі і праходзіў каля таго месца дзе жыў Ісак. Тады Мсак выйшаў напярэймы імператару і праракаваў, што імператар пераможа ворагаў, калі адчыніць сьвятыні прававерным. Тройчы паўтараў сваю просьбу сьвяты, але імперата яго не паслухаў і быў пераможаны паганцамі-готамі, загінуўшы ад агню ў будыніне, дзе спрабаваў схавацца ад пераможцаў. Асак пасьля гэтага выпадку быў урачыста прыняты ў Канстантынопалі, яго ўважалі за прарока. Сьвяты выбудаваў першы ў Канстантынопалі манастыр. Наступнікам ігумена Ісака на гэтай пасадзе быў сьв. Далмат, патрыцый, ад яго і бярэцца назва манастыра Далмацкі.

Чытаньні на літургіі: Рым 9. 6-19; Мц 10. 32-36,11.1

31 траўня

Апостал Герм з 70-ці успамінаецца ў пасланьні да Рымлянаў (16.14), паводле троадыцыі многа пацярпеў ад паганаў, але скончыў жыцьцё спакойна; мучанік Гермей паходзіў з мястэчка Команы ў ПонцеПацярпеў за Хрыста за панаваньня імператара Антаніна Маленькага (138-161). У Кападокіі быў пастаўлены на суд, як хрысьціянін перад начальнікам войска Себастыянам, пасьля адмовы складаньня ахвяры бажкам быў мучаы і укінены ў печ, з якрой выйшаў цэлы. Пасьля быў прымушаны піць атруту, прыгатаваную адным варажбітом. Калі пасьля другога кубку атруты сьвятому нічога не зрабілася, варажбі вызнаў Хрыста і адразу быў засечаны мечам. Пасьля трывалых і безвыніковых катаваньняў Себастыян уласнаручна адсек мужнаму вою Хрыстоваму галаву.

Чытаньні на літургіі: Рым 3.28-4.3; Мц 7. 24-8.4