11 траўня

ЗЫХОД СЬВЯТОГА ДУХА (ТРОЙЦА)

Сёньня сьвяткуем сьвята Пяцідзесятніцы, якая мае яшчэ ў беларусаў назвы Тройца, Сёмуха (бо на сёмы тыдзень пасьля Вялікадня), афіцыйная назва гэтага сьвята Зыход Сьвятога Духа. Літургічна ў гэты дзень згадваюцца падзеі Сыходу Сьвятога Духа на апосталаў на Пяцідзесяты дзень пасьля Пасхі. Гэты дзень уважаецца за дзень заснаваньня Царквы. У гэты дзень ужываюцца літургічныя шаты зялёнага колеру – колеру Сьвятога Духа. На Вячэрні ўвечары дня сьвята ўкленчыўшы чытаюцца тры малітвы прызываньня Духа Сьвятога.

Увесь тыдзень сьпяваем на тон 7.

Чытаньні на ютрані: Ян 20. 19-23

Чытаньні на літургіі: Дз 2.1-11; Ян 7.37-52, 8. 12

12 траўня

ПАНЯДЗЕЛАК СЬВЯТОГА ДУХА

Сёньня сьвяткуем дзень Сьвятога Духа, які прысьвечаны згадцы трэцяй асобы Сьвятой Тройцы. Згодна зь візантыйскай літургічнай традыцыяй пасьля вялікіх сьвятаў звычайна адзначаюцца дні прысьвечаныя асобе, найбольш адметнай у падзеі сьвята.

Чытаньні на літургіі: Эф 5.9-19; Ян 18. 10-20

13 траўня

Сёньня згадваем мучаніцу Глікерыю. Якая была замучаная падчас панаваньня імператара Антаніна (138-161) у Гераклеі ў Тракіі. На наказ прынесьці ахвяру рымскім бажкам адважна супрацівілася. Паводле паданьня увайшла ў сьвятыню Зеўса і малілася адкрыта да Хрыста, пасьля чаго статуі паганскіх бостваў раскалоліся. Была замучаная на арэне дзікімі зьвярамі.

13 траўня 1917 года ў партугальскім горадзе Фаціма адбылося першае зьяўленьне Маці Божай тром дзеткам. Маці Божая заклікала праз дзяцей сьвет да пакаяньня і малітвы за грэшнікаў. Маці Божая напалягала на пасьвячэньні Расіі яе Беззаганнаму сэрцу. Таксама былі прадказаныя другая сусьветная вайна і замах на папу Яна Паўла ІІ.

Чытаньні на літургіі: Рым 1.1-7, 13-17; Мц 4. 25-5.13

14 траўня

Мучанік Сідар, памяць якога сёньня шануем, пацярпеў за Хрыста падчас панаваньня імператара Дэцыя каля 250 года. Быў адным з лепшых жаўнераў ў палку Нумерыяна. Пасьля высадкі з караблёў на якіх плылі жаўнеры на востраве Хіос цэнтурыён Юлі абвінаваціў Сідара ў тым, што ён шануе Хрыста і не складае ахвяраў паганскім боствам. Сідар адкрыта і станоўка засьведчыў сябе хрысьціянінам. Нязломленага, яму адсяклі галаву мечам.

Чытаньні на літургіі: Рым 1.18-27; Мц 5. 20-26

15 траўня

Вялебны Пахом Вялікі быў сынам копцкага селяніна, нарадзіўся каля 292 года ў Верхнім Ягіпце. Пасьля службы ў войску, навярнуўся да Хрыста. Гэтаму паспрыяла добрае стаўленьне навакольных хрысьціян да жаўнераў. Стаўся вучням пустэльніка Палемона. Збудуваў першы кляштар у знакамітай Фіваідзе. Ён стаўся першым у хрысьціянскай гісторыі ў якім супольна пражывалі манахі. Сьв. Пахом таксама ўважаецца за аўтара першага манастырскага статуту і быў першым начальнікам манастыра. Пемёр каля 346 года. На момант ягонай сьмерці заснаваў шэсьць кляштараў мужчынскіх і два жаночых у якіх спасалася каля сямі тысячаў манахаў.

Чытаньні на літургіі:Рым 1.28-2.9; Мц 5. 27-32

16 траўня

Вялебны Тодар Пасьвячаны, е веку 14 гадоў зьбёг ад бацькоў і прыйшоў да сьв. Пахома. Ён быў прыняты сьвятым да супольнасьці, папярэджаны ад Бога. У веку 20 гадоў быў запрошаны, каб прамовіць на падставе Сьвятога пісьма павучаньне для браціі. Некаторыя са старшых манахаў выйшлі абражанымі, бо такі малады чалавек іх навучаў Бібліі. Сьв. Пахомадрэагаваў на гэты ўчынак словамі:”вы адкінулі не Тэадора, але Слова Божае і пакінуў вас Сьвяты Дух”. Быў названы Пасьвячаным, бо першы з супольнасьці ў Фіваідзе атрымаў сьвятарскія пасьвячаньні.

Сёньня няма посту, бо перад постам сьвятых апосталаў (Пятровым постам), які пачынаецца ў панядзелак традыцыйна Царква дазваляе мясаед.

Чытаньні на літургіі: Рым 2.14-29; Мц 5. 33-41

17 траўня

Сёньня аддецца сьвята Тройцы.

Апостал Андранік і сьв. Юнія згадваюцца ў лісьце апостала Паўла да Рымлянаў Рым 16.7. Апостал Андранік, паводлет пераданьня быў біскупам Паноніі.

Чытаньні на літургіі: Рым 1.7б-12; Мц 5. 42-48