У панядзелак, 14 верасня 2026 года, Яго Святасць Папа Леў XIV прыняў прашэнне аб адстаўцы з  пастырскага служэння, пададзенае па прычыне ўзросту, архімандрытам Сяргеем Гаекам (МІС) — Апостальскім адміністратарам Апостальскай адміністратуры для грэка-католікаў у Беларусі, — і адначасова прызначыў айца Лявонція Тумоўскага (MSU) Апостальскім адміністратарам гэтай жа царкоўнай  структуры.

14 верасня - свята Ўзвышэння св. Крыжа Гасподняга.

🌿 Хрысьце, Слова спрадвечнае, Ты ўстанавіў Царкву Тваю як магутны стоўп, бо Ты заснаваў яе на скале веры: яна застаецца непахіснаю праз усе вякі, і Ты – які, нязьменны, стаўся чалавекам, – прабываеш з ёю да канца дзён. Дзеля гэтага славім і бласлаўляем Цябе, кажучы: «Уладару спрадвечны, слава Табе!»

Жыцьцядайны крыж ласкі Тваёй, які Ты, Госпадзе, дараваў нам, недастойным, прыносім Табе ў маленьні і просім захаваць у супакоі краіну нашую і людзей Тваіх, малітвамі Багародзіцы, адзіны Чалавекалюбча.

(З вершапесьняў Вячэрні Перадсьвяцьця Крыжаўзвышэньня)

11 верасня 2026 года Святы Айцец накіраваў віншавальную тэлеграму галоўнаму рабіну Рыма Рыкарда дзі Сэньі з нагоды яўрэйскіх святаў Рош Ха-Шана, Ём-Кіпур і Сукот.

“Жадаю звярнуцца да Вас і да ўсёй дарагой рымскай яўрэйскай супольнасці з маімі самымі шчырымі пажаданнямі з нагоды ўрачыстых святаў, якія Вы рыхтуецеся адзначаць”, - гаворыцца ў пасланні Папы.

Сустрэча біскупаў Усходніх каталіцкіх Цэркваў Еўропы адбудзецца з 15 па 18 верасня 2026 года ў г. Марыяпоч (Венгрыя), у санктуарыі, дзе шануецца цудатворная Ікона Багародзіцы.

Галоўная тэма: Місіянерская фармацыя ва ўсходніх каталіцкіх Цэрквах "sui iuris", катэхізацыя, містагогія, перадача веры і ўмацаванне ўсходняй ідэнтычнасці ў дыяспары.

TRIDUUM: 11-12-13 верасня - 3 дні на шляху да свята ЎЗВЫШЭННЯ пачэснага і жыццядайнага КРЫЖА ГАСПОДНЯГА - 14 верасня. 

З дні малітвы за Беларускую Грэка-Каталіцкую Царкву, у кантэксце актуальных душпастырскіх заданняў. 

"За горад наш і за людзей, што жывуць у ім, Госпаду памолімся".

Вернікі мінскіх грэка-каталіцкіх парафій – у рамках малітоўнага Triduum 10-11-12 верасня 2026 года – узгадваюць жыхароў шматканфесійнага горада Мінска, якія на працягу стагоддзяў стваралі яго багатую духоўную, культурную ды матэрыяльную спадчыну.

Падчас агульнай аўдыенцыі 9 верасня 2026 года Леў XIV працягнуў разважанні, натхнёныя дакументам "Gaudium et spes", засяродзіўшыся на годнасці чалавечай асобы.

9 верасня 2026 года падчас агульнай аўдыенцыі на Плошчы Святога Пятра Папа працягнуў цыкл разважанняў пра пастырскую канстытуцыю Другога Ватыканскага Сабора "Gaudium et spes", якая паглыбляе тэму адносін Касцёла з сучасным светам. Ён нагадаў, што годнасць чалавечай асобы з'яўляецца асновай многіх каштоўнасцей, якія сёння высока цэняцца, але яны не павінны страчваць сувязі з "іх боскай крыніцай".

У Рыме 15 верасня 2026 года пройдзе сустрэча "XXI стагоддзе: новы час мучанікаў?".

15 верасня 2026 года ў Патрыстычным інстытуце "Аўгусціянум" у Рыме пройдзе сустрэча "XXI стагоддзе: новы час мучанікаў?". Ёй будзе прысвечана прэс-канферэнцыя, якая адбудзецца 10 верасня 2026 года ў Зале Друку Святога Пасада.

8 верасня 2026 года — у свята Нараджэння Найсвяцейшай Багародзіцы — завяршыўся васьмі-дзённы міжнародны форум (Octava), прысвечаны тэме «Пастырская перыхарэза паміж Усходнімі Цэрквамі». Мерапрыемства было арганізавана міжканфесійнай платформай Synergeia pro Oriente Christiano, якая свой каардынацыйны цэнтр мае ў горадзе Бары (у Італіі).

Паняцце «пастырская перыхарэза» (perichoresis pastoralis) у кантэксце Усходніх Цэркваў (як каталіцкіх, так і праваслаўных) азначае дынаміку братэрскага супрацоўніцтва і ўзаемнай падтрымкі ў пастырскім служэнні.

Звесткі пра Нараджэнне Багародзіцы Царква чэрпае з апакрыфічнага Евангелля Якуба, напісанага ў 2 стагоддзі. З гэтага апокрыфу мы даведваемся, што бацькі Багародзіцы – Якім і Ганна, доўгі час былі бяздзетнымі, што лічылася ганьбай у народзе. Бо паводле перакананняў кожны праведны чалавек мусіў даць патомства Ізраілю. Праз гэта Якім, нягледзячы на ўсе свае багацці, быў у знявазе перад народам і не мог першым прынесці дары Богу.

У пошуках адказу ад Бога Якім ідзе посціць на сорак дзён і начэй у пустыню, у той жа час і Ганна моліцца дома пра дараванне дзіцяці, якое яна пасвяціць Госпаду. Бог адказвае на малітву Ганны і Якіма і праз анёла паведамляе, што яны зачнуць дзіця, якое будзе праслаўленае сярод усіх народаў. Якім з вялікай радасцю вяртаецца дадому, раздаючы народу і святарам шматлікія дары, а праз дзевяць месяцаў Ганна нараджае дзяўчынку, якой дае імя Марыя.