У французскім Мецы Леў XIV сустрэўся з прадстаўнікамі розных рэлігійных традыцый і заклікаў іх разам сведчыць, што дыялог, клопат пра чалавечае жыццё і пошук міру могуць пераадольваць падзелы.

28 верасня 2026 года ў Мецы, у кангрэс-цэнтры імя Робера Шумана, Леў XIV сустрэўся з прадстаўнікамі розных рэлігійных традыцый. Папа нагадаў, што горад, які на працягу гісторыі быў месцам сустрэчы розных культур, сёння можа стаць прасторай для дыялогу, сяброўства і міру.

Падчас малітоўнага чування ў Сен-Дэні Леў XIV заклікаў моладзь выбіраць дабро, без насілля змагацца за веру і заставацца сведкамі Хрыста ў сучасным свеце.

25 верасня 2026 года на Стад дэ Франс у Сен-Дэні Леў XIV правёў малітоўнае чуванне з моладдзю і прапанаваў сваю медытацыю.

Леў XIV прыляцеў у парыжскі аэрапорт Арлі, дзе яго з ганаровай вартай і кветкамі сустрэлі на пачатку чатырохдзённага апостальскага візіту ў Францыю.

Самалёт з Папам на борце прызямліўся ў аэрапорце Парыж-Арлі – другім па значнасці аэрапорце французскай сталіцы пасля Руасі-Шарль-дэ-Голь. Каб павітаць Святога Айца, на борт паднялiся апостальскі нунцый у Францыі арцыбіскуп Чэлесціна Мільёрэ і кіраўнік пратакольнай службы краіны.

23 верасня з'яўляецца яшчэ адным святам у гонар прарока, Прадвесніка і Хрысціцеля Гасподняга Яна. У гэты дзень адзначаюць яго цудоўнае Зачацце. Свята мае чыста біблейскае паходжанне, і Евангелле паводле Лукі на сваім пачатку апісвае гэтую падзею, а літургічныя тэксты 23 верасня пэўным чынам яе інтэрпрэтуюць, робячы адмысловыя акцэнты.

Юдэйскі народ на зломе Старога і Новага Запаветаў чакае абяцанага прарокамі Месію. Увесь народ на чале са святарамі моліцца пра гэта, а кожная жанчына марыць стаць маці Божага Памазаніка. Таму і перажывалі такія вялікія пакуты святар Захарыя ды ягоная жонка Альжбета з мястэчка Эйн-Карэм, бо ўжо шмат гадоў запар не маглі мець дзяцей.

Ксёндз Яўген Вінтоў распавёў "Vatican News", як у Рыме абмяркоўвалі тэму мучаніцтва ў XXI стагоддзі і чаму яна настолькі важная для Беларусі.

15 верасня 2026 года ў Папскім патрыстычным інстытуце "Аўгустыніянум" у Рыме адбылася міжнародная канферэнцыя "XXI стагоддзе: новы час мучанікаў?". Сярод удзельнікаў быў прадстаўнік Канферэнцыі Каталіцкіх Біскупаў у Беларусі ксёндз Яўген Вінтоў, які пракаментаваў яе вынікі для беларускай рэдакцыі "Vatican News".

Леў XIV прыняў удзельнікаў канферэнцыі пра мучанікаў XXI стагоддзя, назваўшы сведак веры зоркамі, якія свецяць у цемры эгаізму і прыгнёту.

Святы Айцец 16 верасня 2026 года сустрэўся з удзельнікамі навуковага форуму "XXI стагоддзе: новы час мучанікаў?", які арганізавалі Дыкастэрыя па справах кананізацыі і Камісія па новамучаніках – сведках веры.

З 15 па 18 верасня 2026 года ў санктуарыі Марыяпоч (у Венгрыі) праходзіць Сустрэча іерархаў Усходніх каталіцкіх Цэркваў Еўропы - падзея, якая аб’ядноўвае прадстаўнікоў Усходніх каталіцкіх Цэркваў з 14 краін. 

Каля 50 біскупаў, святароў і дыяканаў сабраліся разам для супольнай малітвы, дыялогу і разважанняў пра душпастырскае жыццё сваіх Цэркваў у год, які мае асаблівае значэнне для санктуарыя ў Марыяпоч: гэта 330-я гадавіна таго, як цудатворная Ікона Багародзіцы ўпершыню праліла слёзы.

Каталіцкі вікарый Паўночнай Аравіі біскуп Альда Берардзі і грэка-праваслаўны Мітрапаліт Гатас Хазім здзейснілі супольную пілігрымку на Святую Гару Афон.

Падарожжа супольнай дэлегацыі з Кувейта праходзіла з 6 па 9 верасня 2026 года. У склад групы ўвайшлі каталіцкія і праваслаўныя святары, семінарыст і свецкія вернікі. Паломнікі наведалі 12 з 20 манастыроў на паўвостраве Халкідыкі. Іх цёпла прымалі ў Сіманапетрскім і Ватапедскім манастырах.

Бабровіцкая трагедыя пачалася 15 верасьня 1942 году падчас нацысцкай карнай аперацыі «Балотная ліхарадка», калі нямецкія карнікі спалілі вёскі Бабровічы, Вяда, Тупічыцы і Красьніца (Івацэвіцкі раён Берасьцейскай вобласьці) і зьнішчылі амаль усіх жыхароў. У міжваенны перыяд старажытная вёска Бабровічы і суседнія вёскі Вяда, Тупічыцы, Красьніца з навакольнымі хутарамі складалі Бабровіцкую ўніяцкую парафію. Яна была адным з асяродкаў адраджэньня Уніі на Палесьсі.

Доўгі час душпастырам у Бабровічах быў вядомы беларускі рэлігійны і культурны дзеяч, уніяцкі сьвятар Баляслаў Пачопка. Ён шмат зрабіў для мясцовых жыхароў разам з сваёй жонкай Марцыянай, уласнымі рукамі пабудаваў у Бабровічах новую царкву, але памёр яшчэ да гэтых страшных падзей – 26 сьнежня 1940 году (пахаваны ў суседніх Целяханах).

У панядзелак, 14 верасня 2026 года, Яго Святасць Папа Леў XIV прыняў прашэнне аб адстаўцы з  пастырскага служэння, пададзенае па прычыне ўзросту, архімандрытам Сяргеем Гаекам (МІС) — Апостальскім адміністратарам Апостальскай адміністратуры для грэка-католікаў у Беларусі, — і адначасова прызначыў айца Лявонція Тумоўскага (MSU) Апостальскім адміністратарам гэтай жа царкоўнай  структуры.